X

रामपुरकाे प्याकलुकघाट र खोप्टारमा झोलुङ्गे पुलको शिलान्यास

सीता डाेटेल || ६ असार २०७७,शनिबार १८:४८

पाल्पा-रामपुरमा बन्ने २ छुट्टाछुट्टै झोलुङ्गे पुलको शिलान्यास भएको छ । रामपुर नगरपालिका वडा न ६ र ८ जोड्ने प्याकलुकघाट झलुङ्गे पुल र रामपुर ४ खोप्टार कासजरी झलुङ्गे पुलको सिलन्यास गरिएको हो ।

दुवै पुलको निर्माणमा सामाजिक तथा प्राविधिक सहयोग इन्द्रेणी समाज केन्द्र नेपालले गर्नेछ । ४६ लाख ३३ हजार ४ सय ३ रुपैयाँ २७ पैसाको लागतमा निर्माण हुन लागेको प्याक्लुक घाट झोलुङ्गे पुल ९४ मिटर लम्बाइको हुनेछ । रामपुर नगरपालिकाको २ लाख ७७ हजार ९ सय ८६ रुपैयाँ २० पैसा, स्थानीयको श्रमदान ९२ हजार ६ सय ६२ रुपैयाँ, क्षेत्रगत कार्यक्रमको नगद ३७ लाख ९१ हजार ९३ रुपैयाँ ९२ पैसा सहयोग र जिन्सी ४ लाख ७१ हजार ६ सय ६१ रुपैयाँ ८ पैसाको रहने पुल निर्माण समितिका अध्यक्ष कृष्ण कुुमार अर्यालले बताउनुभयो ।

समयमा नै पुल निर्माण पूरा गर्ने गरि अगाडि बढ्ने प्राबिधिक यम बहादुर रानाले जानकारी दिनुभयो । पुलको शिलान्यास गर्दै रामपुर नगरपालिकाका नगर प्रमुख रमण बहादुर थापाले ठाउँ विशेष झलुङ्गे पुलको आबश्यकता अझ रहेको औल्याउनुभयो ।

त्यस्तै, खोप्टार र काँसजरी जोड्ने झोलुङ्गे पुल ६२ मिटर लम्बाइको हुनेछ । कुल ३२ लाख २५ हजारको लागतमा यो पुल निर्माण सकिने उपभोक्ता समितिका अध्यक्ष पूर्ण बहादुर थापाले बताउनुभयो।

यो खबर पढेर तपाईलाई कस्तो महसुस भयो ?

प्रतिक्रिया दिनुहोस

Your email address will not be published. Required fields are marked *


क्लिक मिडिया नेटवर्क प्रा.लि.पाल्पा,
नेपालद्वारा संचालित
इरानीमहल डटकमको लागि
अनलाइन न्यूज पोर्टल
ranimahalnews@gmail.com
संपादक:अमृत अधिकारी
फाेन नं : ०७५-५२२६०७
मो नं : ९८५७०६००४७
सुचना बिभाग दर्ता नं.७५२/०७४-७५