X

तिनाउँ गाउँपालिकाको वडा नं. ४ र ५ को कार्यालय भवन सिलन्यास

रानीमहल संवाददाता || २५ जेष्ठ २०७७,आईतवार ०८:४०

पाल्पा- तिनाउँ गाउँपालिकाको वडा नं. ४ र ५ ले नयाँ वडा कार्यालय भवन बनाउन सुरु गरेका छन् । बहुवर्षे योजना अन्तरगर्त निर्माण हुने वडा कार्यालय भवनको गाउँपालिकाका प्रमुख ओमबहादुर घर्ती मगरले एक कार्यक्रमका बीचमा सिलान्यास गर्नुभएको छ ।

वडा नं. ४ को सत्यवती र वडा नं. ५ को चरचरेमा वडा कार्यालय भवन बनाउन सुरु गरिएको हो । ६५।६५ लाखको लागतमा निर्माण सुरु गरिएको वडा भवनको आउँदो वर्षमा निर्माण सम्पन्न गरिने पालिकाका अध्यक्ष ओमबहादुर घर्ती मगरले रानीमहललाई जानकारी दिनुभयो ।

भवन निर्माणको लागि वडा नं. ४ का लालबहादुर दर्लामी तथा वडा नं. ५ का प्रेम श्रेष्ठ, विष्णु थापा र वडा अध्यक्ष लालबहादुर दर्लामीले जग्गा प्रदान गर्नुभएको थियो । उहाँहरुलाई अध्यक्ष घर्तीले धन्यवाद समेत व्यक्त गर्नुभयो । गाउँपालिकाले यसै वर्ष दोभानमा बहुउद्देश्यीय कार्यालय भवन, वडा नं. ३ र २ को वडा कार्यालय आ.व. २०७७।०७८ बाट सुरु हुने अध्यक्ष घर्तीले बताउनुभयो ।

६ वटा वडा रहेको तिनाउँमा भवन नएका वडा र स्वास्थ्य चौकीहरुको भवन निर्माणलाई तीव्रता दिएको छ । यस्तै सडक, सिंचाई, खानेपानी, आर्थिक विकास लगाएततका काममा समेत निरन्तर काम गरिएको प्रमुख प्रशासकीय अधिकृत दामोदर भण्डारीले रानीमहललाई बताउनुभयो ।

भवन उद्घाटन कार्यक्रममा प्रवक्ता राजेश श्रेष्ठ उपाध्यक्ष दमयन्ती थापा वडा अध्यक्ष र स्थानीयकाे सहभागिता रहेकाे थियाे ।

यो खबर पढेर तपाईलाई कस्तो महसुस भयो ?

प्रतिक्रिया दिनुहोस

Your email address will not be published. Required fields are marked *


क्लिक मिडिया नेटवर्क प्रा.लि.पाल्पा,
नेपालद्वारा संचालित
इरानीमहल डटकमको लागि
अनलाइन न्यूज पोर्टल
ranimahalnews@gmail.com
संपादक:अमृत अधिकारी
फाेन नं : ०७५-५२२६०७
मो नं : ९८५७०६००४७
सुचना बिभाग दर्ता नं.७५२/०७४-७५

Powered By: Softbenz Infosys