X

पाल्पामा आइसोलेसन कक्षमा मृत्यू भएका पुरुषको शव व्यवस्थापन भएन

रानीमहल संवाददाता || २२ जेष्ठ २०७७,बिहीबार १४:३९

पाल्पा – तीनदिन अघि मिसन अस्पतालको आइसोलेशन कक्षमा मृत्यू भएका पुरुषको शव व्यवस्थापन हुन सकेको छैन । कारोना भाइरस संक्रमणको आशंकामा आइसोलेशन कक्षमा उपचारत पूर्वखोला गाउँपालिका १ सिलुवाका ४० वर्षिय पुरुषको तीन दिन अघि मृत्यू भएको थियो ।

कारोना संक्रमण भए नभएको सम्बन्धमा स्वाव परीक्षणका लागि प्रदेश जनस्वास्थ्य प्रयोगशाला भैरहवामा पठाइएको भएता पनि स्वाव परीक्षणमा ढिलाई भएको छ । जसको कारण उनको शव व्यवस्थापन हुन नसकेको हो ।

मिसन अस्पतालका सूचना अधिकारी जीवन भट्टराईले समयमै कोरोना परीक्षण हुन नसक्दा मृतकको शव व्यवस्थापन हुन नसकेको रानीमलहलाई बताउनुभयो । उहाँले कोरोनाको आशंकामा उपचाररत व्यक्तिको मृत्यू भएमा संक्रमितको जस्तै शव व्यवस्थापन जिल्ला स्थित कोरोना संकट व्यवस्थापन केन्द्रले गर्नुपर्ने भएपनि हालसम्म केही नभएको बताउनुभयो ।

तर जिल्ला प्रशासन कार्यालय पाल्पाका सूचना अधिकारी यज्ञश्वर पन्थीले भने पिसिआर रिपोर्ट आउन ढिलाई भएको र रिपोर्ट आएपछि सोही अनुसार मृतकको शवको व्यवस्थापन हुने बताउनुभयो ।

यो खबर पढेर तपाईलाई कस्तो महसुस भयो ?

प्रतिक्रिया दिनुहोस

Your email address will not be published. Required fields are marked *


काेराेना सचेतना सूचना

क्लिक मिडिया नेटवर्क प्रा.लि.पाल्पा,
नेपालद्वारा संचालित
इरानीमहल डटकमको लागि
अनलाइन न्यूज पोर्टल
ranimahalnews@gmail.com
संपादक:अमृत अधिकारी
फाेन नं : ०७५-५२२६०७
मो नं : ९८५७०६००४७
सुचना बिभाग दर्ता नं.७५२/०७४-७५

Powered By: Softbenz Infosys