X

भारतबाट पाल्पा फर्किएकामध्ये २३५ जनाकाे पीसीआर गर्दा ५ जना संक्रमित

रानीमहल संवाददाता || १९ जेष्ठ २०७७,सोमबार २०:३२

पाल्पा – पाल्पाबाट हालसम्म कोरोना संक्रमण पत्ता लगाउन २७७ जनाको पीसीआर गरिएको छ । पीसीआर गरिएकामध्ये ५ जना कोरोना संक्रमित भएको पुष्टि भएको छ भने बाँकी २७२ जनाको रिपोर्ट नेगेटिभ आएको स्वास्थ्य कार्यालय पाल्पाले जनाएको छ । त्यसमध्ये २३५ जना भारतबाट फर्किएकाहरूकाे पीसीआर परीक्षण गरिएकाे छ । हालसालै भारतबाट १६०३ जना फर्किएका छन् ।

भारतबाट फर्किएकामध्ये ५ जनामा काेराेना संक्रमण देखिएकाे हाे । कोरोना संक्रमित भएका रैनादेवी छहराका २ जना ३८ र ४० वर्षका पुरुष हुन् । यस्तै माथागढीका १९ वर्षका युवा पनि कोरोना संक्रमित छन् । यस्तै सोमबार आएको पीसीआर रिपोर्टका आधारमा पाल्पा निस्दी गाउँपालिका वडा नं. २ का ३६ र १७ वर्षका पुरुष कोरोना संक्रमित भएको स्वास्थ्य कार्यालय पाल्पाका निमिक्त प्रमुख विश्वनाथ न्यौपानेले जानकारी दिनुभयो ।

सांकेतिक तस्विर : गुगल ।

आइतबार कोरोना संक्रमित भएका तीन जना पुरुषलाई तानसेन मिसनस्थित बृद्धाश्रममा बनेको आइसोलेसन वार्डमा राखिएको छ । उनीहरु तीनै जनाको स्वास्थ्य अवस्था सामान्य रहेको छ ।

कोरोना संक्रमितसँग आएका र सम्पर्क भएका मानिसहरुको खोजी कार्य भईरहेको छ । उनीहरुको पनि पीसीआर गर्ने तयारी भईरहेको छ । स्थानीय तहले संक्रमितसँग सम्पर्क भएका मानिसको खोजी गरिरहेको छ । पाल्पामा हाल कोरोनाको परीक्षणका लागि दुई सय कीट छ भने ६ सय आरडिटी गर्न सकिनेछ ।

यो खबर पढेर तपाईलाई कस्तो महसुस भयो ?

प्रतिक्रिया दिनुहोस

Your email address will not be published. Required fields are marked *


काेराेना सचेतना सूचना

क्लिक मिडिया नेटवर्क प्रा.लि.पाल्पा,
नेपालद्वारा संचालित
इरानीमहल डटकमको लागि
अनलाइन न्यूज पोर्टल
ranimahalnews@gmail.com
संपादक:अमृत अधिकारी
फाेन नं : ०७५-५२२६०७
मो नं : ९८५७०६००४७
सुचना बिभाग दर्ता नं.७५२/०७४-७५

Powered By: Softbenz Infosys