X

भारतबाट फर्केका सिधैँ गाउँमा, कीट अभावले काेराेना परीक्षण भएन

रानीमहल संवाददाता || १६ जेष्ठ २०७७,शुक्रबार २०:२७

पाल्पा – भारतबाट पाल्पा आएका मानिसहरूको कोरोना परीक्षण कीट अभावले रोकिएको छ । जिल्लामा कोरोना परीक्षणका लागि कीट अभाव भएपछि कोरोना संक्रमण जाँच हुन नसकेको स्वास्थ्य कार्यालय पाल्पाले जनाएको छ ।

कीट नभएपछि भारतबाट तानसेन बतासेडाँडास्थित होल्डिङ् क्वारेन्टाइनमा आएका मानिसलाई सिधैँ गाउँपालिका पठाइएको छ । पाल्पाबाट केही दिनअघिसम्म २७१ जनाको पीसीआर परीक्षण गर्न प्रदेशस्तरीय प्रयोगशालामा स्वाब पठाइएको छ ।

२७१ जनामध्ये हालसम्म ८० जनाको पीसीआर रिपोर्ट नेगेटिभ आएको स्वास्थ्य कार्यालय पाल्पाका प्रमुख विश्वनाथ न्यौपानेले जानकारी दिनुभयो । यस्तै ६२८ जनाको आरडीटी परीक्षण गरिएकोमा सबैको रिपोर्ट नेगेटिभ आएको स्वास्थ्य कार्यालय पाल्पाका निमिक्त प्रमुख विश्वनाथ न्यौपानेले जानकारी दिनुभयो ।

भारत लगायतका मुलुक र नेपालका विभिन्न स्थानबाट घरमा फर्किएका मानिसहरूको पीसीआर र आरडीटी परीक्षण रोकिएको न्यौपानेले बताउनुभयो । कीट अभाव भएपछि सरकारले नै कोरोना संक्रमणको लक्षण देखिएकाको मात्र आरडिटी र पीसीआर परीक्षण गर्ने नीति अघि सारेको छ ।

यसले पनि भारतबाट पाल्पाका विभिन्न गाउँमा फर्किएकाको कोरोना परीक्षण हुन सकेको छैन । तर कोरोना परीक्षणबिनै भारतबाट आएकालाई सिधैँ गाउँमा पठाउँदा कोरोना संक्रमणको जोखिम बढेको स्थानीय बासिन्दाको गुनासो छ ।

यो खबर पढेर तपाईलाई कस्तो महसुस भयो ?

प्रतिक्रिया दिनुहोस

Your email address will not be published. Required fields are marked *


काेराेना सचेतना सूचना

क्लिक मिडिया नेटवर्क प्रा.लि.पाल्पा,
नेपालद्वारा संचालित
इरानीमहल डटकमको लागि
अनलाइन न्यूज पोर्टल
ranimahalnews@gmail.com
संपादक:अमृत अधिकारी
फाेन नं : ०७५-५२२६०७
मो नं : ९८५७०६००४७
सुचना बिभाग दर्ता नं.७५२/०७४-७५

Powered By: Softbenz Infosys