X
10
Shares

माथागढी गाउँपालिकाद्वारा ७५ % अनुदानमा फलफूल बिरुवा वितरण गर्ने

रानीमहल संवाददाता || ४ जेष्ठ २०७७,आईतवार २२:१०

रमेश राना पाल्पा- पाल्पा जिल्लाको माथागढी गाउँपालिकाले माथागढीबासी किसान र गाउँपालिका भित्रका व्यवसायिक कृषक फार्म समूहहरूलाई ७५ प्रतिशत अनुदानमा फलफूल बिरुवा वितरण गर्ने भएको छ।

माथागढी गाउँपालिकाको प्रमुख प्रशासकीय अधिकृत राजु नेपालद्वारा हस्ताक्षरित गाउँपालिकाको सूचनामा माथागढीबासीहरूको लागि व्यवसायिक फलफूल बगैंचा स्थापना गर्ने उद्देश्यले इच्छुक कृषक, कृषक समूह,कृषि सहकारी र फार्महरूका लागि फलफूल बिरुवा (कागती,सुन्तला,लिची र कफि) लगायतका बिरुवा अनुदानमा वितरण गर्ने भएको छ ।

प्रकाशित सूचनाको आधारमा कृषकहरूले ७ दिनभित्र गाउँपालिका अन्तर्गतका आफूलाई पायक पर्ने सबै ८ वटा वडा कार्यालयमा निवेदन पेश गरि लिन चाहने बिरुवाको परिणाम र कृषकको सम्पर्क नं. सहित उल्लेख गर्नुपर्ने प्रकाशित सूचनामा रहेको छ।

साथै कृषक हरूले निवेदनका साथमा व्यक्तिको हकमा नागरिकताको प्रतिलिपी र जग्गाधनी प्रमाणपत्रको प्रतिलिपी पेश गर्नुपर्ने रहेको छ भने कृषि फार्म, समूह सहकारीको हकमा दर्ता प्रमाणपत्रका साथै निर्णयको प्रतिलिपी पनि पेश गर्नुपर्ने प्रकाशित सूचनामा उल्लेख रहेको छ।

यो खबर पढेर तपाईलाई कस्तो महसुस भयो ?

प्रतिक्रिया दिनुहोस

Your email address will not be published. Required fields are marked *


क्लिक मिडिया नेटवर्क प्रा.लि.पाल्पा,
नेपालद्वारा संचालित
इरानीमहल डटकमको लागि
अनलाइन न्यूज पोर्टल
ranimahalnews@gmail.com
संपादक:अमृत अधिकारी
फाेन नं : ०७५-५२२६०७
मो नं : ९८५७०६००४७
सुचना बिभाग दर्ता नं.७५२/०७४-७५

Powered By: Softbenz Infosys