पाल्पा– पास बोकेर ओहोर दोहोर गर्ने व्यक्तिमा समेत कोरोना भाइरसको संक्रमण देखिएपछि सरकारले जिल्ला भित्र सवारी चलाउने पास पनि खारेज गर्ने निर्णय गरेको छ ।
गृह मन्त्रालयले जिल्लाभित्र सवारी सञ्चालन गर्न दिइएको पास पनि खारेज गर्ने निर्णय गरेको हो । गृहमा बिहीबार बसेको बैठकले जिल्लाभित्र लागू हुने गरी प्रशासनले वितरण गरेको पास पनि खारेज गर्ने निर्णय गरेको हो । गृह मन्त्रालयका उप–सचिव उमाकान्त अधिकारीले भन्नुभयोे, ‘शनिबारबाट लागू हुने गरी यो निर्णय गरेका हौं ।’
यसअघि गृहले एक जिल्लाबाट अर्को जिल्ला हिँड्ने गरी वितरण भएका सबै पास बिहीबारबाट खारेज गरिसकेको छ । सवारी पास लिएका हिँडेका व्यक्तिमा पनि कोरोनाको संक्रमण देखिन थालेपछि गृहले थप कठोर बन्ने निर्णय गरेको अधिकारीहरू बताउँछन् ।
जिल्लामा यस अघि सरकारले जिल्ला प्रशासन कार्यालयको अनुमतिमा पास जारी गर्ने निर्णय गरेको थियो । गृहको निर्णयसँगै सबै पासहरु वितरण बन्द भएको छ अत्यावश्यक सेवाको पास भने वैधानिकता हेरेर दिन सकिने सरकारले जनाएको छ ।
प्रकाशित मिति: बिहीबार, जेठ १, २०७७ १८:२९
प्रतिक्रिया दिनुहोस्
साताको लोकप्रीय