पाल्पा - तिनाउ गाउँपालिका वडा नं. ३ मा विषालु च्याउ खाँदा एकै परिवारका सात जना बिरामी परेका छन् । मंगलबार जंगलबाट ल्याएकाे च्याउ खाँदा तिनाउ दाेभान फूलबारीका ७ जना बिरामी भएका हुन् । उनीहरूलाइ झाडापखाला लाग्ने, रिंगाटा लाग्ने, वाकवाकी लाग्ने जस्ता समस्या देखिएपछि बुटवलस्थित लुम्विनी प्रादेशिक अस्पतालमा उपचार गरिएकाे छ । उनीहरूमध्ये अधिकांशकाे स्वास्थ्यमा सुधार हुन सकेकाे छैन । २ जनाकाे भने स्वास्थ्य अवस्था सुधार भएकाे अस्पतालले जनाएकाे छ । जंगलबाट ल्याएर बिषालु च्याउ खाएर बिरामी पर्नेहरूमा तिनाउ ३ फूलबारीका अमरदीप बीसी, उनकी श्रमती माया बीसी, आमा कृष्णा सुनार, निलमाया सुनार, दिलिप सुनार, रेखा सुनार र थमन सुनार रहनुभएकाे वडा नं. २ का अध्यक्ष राजेश श्रेष्ठले जानकारी दिनुभयाे । पाल्पामा हरेक वर्ष विषालु च्याउ खाएर मानिसहरूकाे मृत्यु हुने गरेकाे छ । विषालु च्याउका बारेमा हरेक वर्षजसाे जनचेतनामुलक कार्यक्रम भए पनि मानिसले भने अझैँ जंगलबाट नचिनेकाे विषालु च्याउ ल्याएर खाने क्रम भने घटेकाे छैन ।