X

बिषालु च्याउ खाँदा एकै परिवारका दुई जनाको मृत्यु

रानीमहल संवाददाता || २३ बैशाख २०७७,मंगलवार १८:११

अर्घाखाँची – जंगलबाट ल्याएको विषालु च्याउ खाँदा अर्घाखाँची जिल्ला भूमिकास्थान नगरपालिकामा एकै परिवारका दुई जनाको ज्यान गएकाे छ । च्याउ खाएर घाइते एकै परिवारकै अन्य दुई जनाकाे उपचार भइरहेकाे छ ।

मृत्यु हुनेमा भूमिकास्थान नगरपालिका–६ खिल्जीका ३२ वर्षिया रामकला महतरा र उनकी छोरी ७ वर्षीया वीपासा महतरा छन् । विषालु च्याउ खाएर बिरामी भएका उनीहरुको बुटवलस्थित लुम्बिनी सिटी अस्पतालमा उपचारका क्रममा मृत्यु भएको जिल्ला प्रहरी कार्यालय अर्घाखाँचीले जनाएको छ ।

प्रतिकात्मक : तस्विर गुगल ।

अस्पतालमा उपचारका लागि भर्ना भएकी रामकलाको शनिबार राति र विपासाको सोमबार बिहान मृत्यु भएको लुम्बिनी सिटी अस्पतालले जनाएकाे छ । रामकलाकी सासु ५९ वर्षीया लालसरी महतरा र देउरानी २१ वर्षीया लक्ष्मी महतराको भैरहवास्थित युनिभर्सल मेडिकल कलेजमा उपचार अस्पतालले जनाएकाे छ । दुवै जनाको स्वास्थ्यमा सुधार आएकाे बताइएकाे छ ।

विषालु च्याउ खाएर गम्भीर बिरामी परेका उनीहरूलाइ अर्घाखाँचीकाे सन्धीखर्कमा उपचारपछि थप उपचारका लागि बुटवल ल्याइएकाे हाे ।

यो खबर पढेर तपाईलाई कस्तो महसुस भयो ?

प्रतिक्रिया दिनुहोस

Your email address will not be published. Required fields are marked *


क्लिक मिडिया नेटवर्क प्रा.लि.पाल्पा,
नेपालद्वारा संचालित
इरानीमहल डटकमको लागि
अनलाइन न्यूज पोर्टल
ranimahalnews@gmail.com
संपादक:अमृत अधिकारी
फाेन नं : ०७५-५२२६०७
मो नं : ९८५७०६००४७
सुचना बिभाग दर्ता नं.७५२/०७४-७५

Powered By: Softbenz Infosys