X

पूर्वमन्त्री पाण्डेलाई पितृशोक, पाल्पाली समाजद्वारा दुःख व्यक्त

रानीमहल संवाददाता || २५ चैत्र २०७६,मंगलवार २०:५८

पाल्पा – पूर्व मन्त्री एवं उद्योगपति हरिप्रसाद पाण्डेलाई पितृशोक परेको छ । उहाँका पिता खिमानन्द पाण्डेको ९७ वर्षको उमेरमा सोमबार राति पोखरा–६, लेकसाइडस्थित आफ्नै निवासमा निधन भएको हो ।


पाल्पाको साविक अर्गली गाविस वडा ३ हाल तानसेन नगरपालिका वडा १४ रनुवामा उहाँको जन्म वि.सं. १९८० चैत १८ मा भएको हो । स्व. पाण्डेको मंगलबार पोखरा सेती नदी किनार रामघाटमा अन्त्येष्टि गरिएको छ । शवमा जेठा छोरा हरिप्रसादले दागबत्ती दिनुभयाे । स्व. पाण्डेका श्रीमती शिवकुमारी, ४ भाइ छोराहरुमा हरिप्रसादसहित विष्णु, कृष्ण र शंकर पाण्डे रहनुभएकाे छ । २ छोरीहरु राधिका बस्याल र लक्ष्मी पाठक हुनुहुन्छ ।

स्व. खिमानन्द पाण्डे ।


स्व. खिमानन्द पाण्डे सामाजिक व्यक्तित्व रहनुभएकाे थियाे । उहाँले पाल्पाको अर्गलीमा पौने २ करोड रुपैयाँमा नेपालकै एकमात्र बद्रीनारायणको मन्दिर तथा ताहुँमा ५० लाखमा रम्भादेवी मन्दिर निर्माण गर्नुभएकाे थियाे । यस्तै, जिल्लामा विभिन्न विद्यालयमा आर्थिक तथा भौतिक सहयोग गर्नुभएकाे छ ।

यसैबीच, पाल्पाली समाज पोखराले पाण्डे परिवारमा पर्न गएको शोकप्रति दुःख व्यक्त गरेको छ । समाजका तर्फबाट अध्यक्ष कुलप्रसाद घिमिरेले समाजका संरक्षक एवं मातृसेवा प्रतिष्ठानका अध्यक्ष पूर्व मन्त्री हरिप्रसाद पाण्डे तथा समाजका सल्लाहकार उद्योग व्यवसायी विष्णुप्रसाद पाण्डे, सदस्य कृष्ण पाण्डे र शंकर पाण्डेका बुबाको असामयिक निधनप्रति दुःख व्यक्त गर्दै दिवंगत आत्माको चिरशान्तिको कामना सहित शोकसन्तप्त परिवारजनमा हार्दिक समवेदना व्यक्त गर्नुभएकाे हाे ।


पाण्डे परिवार पोखरा–६, बैदाम (मालपोत कार्यालय नजिक) मा बाबुको किरिया बस्ने परिवारजनले जनाएको छ । २०७७ वैशाख ५ मा १३ दिने काजक्रिया सकिनेछ ।

यो खबर पढेर तपाईलाई कस्तो महसुस भयो ?

प्रतिक्रिया दिनुहोस

Your email address will not be published. Required fields are marked *


क्लिक मिडिया नेटवर्क प्रा.लि.पाल्पा,
नेपालद्वारा संचालित
इरानीमहल डटकमको लागि
अनलाइन न्यूज पोर्टल
ranimahalnews@gmail.com
संपादक:अमृत अधिकारी
फाेन नं : ०७५-५२२६०७
मो नं : ९८५७०६००४७
सुचना बिभाग दर्ता नं.७५२/०७४-७५

Powered By: Softbenz Infosys