पाल्पा – तानसेनको टक्सारटोलमा अबदेखि २ मीटरको दुरीमा रहेर दैनिक उपभोग्य बस्तु खरिद गर्नु पर्ने भएको छ । तानसेनको टक्सार क्षेत्रमा राखिएका पसलमा भीडभाड नगरी २ मीटरको दुरी कायम गरेर मात्र उपभोग्य बस्तु किन्न पाइने भएको हो ।

यहाँका स्थानीय युवा तथा समाजसेवीहरुले कारोना भाइरसको संक्रमण रोक्न सामाजिक दुरी कायम गर्न २/२ मीटरको चिन्ह बनाएका छन् । टक्सारमा रहेका विभिन्न पसलका अगाडि २ मीटरको फरकमा बनाइएका गोलो घेराभित्र बसेर मात्र दैनिक उपभोग्य बस्तु किन्न पाइने भएको हो ।

यहाँ कोरोनाको संक्रमण फैलिने गरी भीडभाड नगर्न स्थानीय बासिन्दा केशबलाल बज्राचार्यले बताउनुभयो । उनीहरुले सबै वडामा सामाजिक दुरी कायम गर्न भीडभाड हुने क्षेत्रमा यस्तै चिन्ह लगाउन अनुरोध गर्दै यसले कोरोना भाइरसको संक्रमण फैलिन नदिन सहयोग पुग्ने महेशलाल शाक्यले बताउनुभयो ।