पाल्पा– पाल्पा उद्योग वाणिज्य संघ द्वारा जिल्लाका अत्यावश्यक सेवाका व्यवसाय बाहेकका अन्य व्यवसाय बन्द गर्ने निर्णय गरेको छ ।
कोभिड १९ को संक्रमणबाट बच्न र सरकारले गरेको निर्णयलाई कार्यान्वयन गर्न भोली देखि २१ गते सम्मको लागि सबै उद्योग, व्यवसाय बन्द गर्न अपिल गरिएको संघका अध्यक्ष राजुमर्हनले बताउनुभयो ।
उहाँले विश्वस्वास्थ्य संगठनले महामारीको रुपमा घोषणा गरेको कोरोना विरुद्ध सचेतना फैलाउनु र आफू पनि बाचौं र अरुलाई पनि बचाऔं भन्ने भावले सम्पूर्ण व्यवसाय बन्द गर्ने निर्णय गरिएको बताउनुभयो ।
पाल्पामा औषधी, होटल, खाध्यन्न, तरकारी, फलफुल बाहेकका अन्य व्यवसायहरु बन्द गर्न सूचना समेत जारी गरेको छ ।
संघले सबै व्यवसायीहरुले कोरोनाबाट बच्ने उपायको बारेमा जनचेतना फैलाउन, घरबाट बाहिर ननिस्कन तथा सावधानीका उपायहरु अपनाउन समेत समै नागरिकहरुमा आग्रह गरेको छ ।