पाल्पाको सोमादीमा टिप्पर दुर्घटना : चारजना घाइते
पाल्पा– जिल्लाको रैनादेवी गाउँपालिका २ सोमादीमा टिप्पर दुर्घटना हुँदा बालक सहित चारजना घाइते भएका छन् ।
बुटवलबाट छहरा हुँदै सोमादीतर्फ इट्टा बोकेर गएको लु २ ख १८२० को टिप्पर दुर्घटनामा परेर चारजना घाइते भएको जिल्ला प्रहरी कार्यालय पाल्पाले जनाएको छ ।
दुर्घटनामा परी रैनादेवी छहरा–४ का टिप्पर चालक यमबहादुर पुन, रैनादेवी छहरा १ सिद्देश्वरका शुस्मा कुमाल र तुल्सा कुमाल तथा उनीहरुको अन्दाजी ५ वर्षका बच्चा घाइते भएका छन् ।
चिप्लो र पुरुवामाटो भएकाले भासिएर दुर्घटना भएको प्रारम्भिक अनुसन्धानबाट खुलेको जिल्ला प्रहरी कार्यालय पाल्पाले जनाएको छ ।
प्रकाशित मिति: आइतबार, माघ १९, २०७६ १९:१३
प्रतिक्रिया दिनुहोस्
