अज्ञात समूहकाे गाेली लागेर एक जनाकाे मृत्यु
बुटवल - अज्ञात समूहको गोली प्रहारबाट रुपन्देहीमा आइतबार दिउँशाे एक जनाको मृत्यु भएको छ ।
रुपन्देहीको रोहिणी गाउँपालिका-३, मा अज्ञात समूहको गोली लागेर एक जनाको मृत्यु भएको जिल्ला प्रहरी कार्यालय रुपन्देहीले जनाएको छ ।
जिल्ला प्रहरी कार्यालय रुपन्देहीका एसपी हृदय थापाले गोली लागेर एक जनाको मृत्यु भएको बताउनुभएकाे छ । दिउँसो अज्ञात व्यक्तिको गोली लागेर ओमसटिया ४ का ४० वर्षीय महेन्द्र कुर्मीको मृत्यु भएको उहाँले जानकारी दिनुभयाे ।
गोली कसले र किन चलायो भन्ने खुल्न नसकेको प्रहरीले जनाएको छ । गोली प्रहार गर्ने व्यक्तिकाे खाेजि भइरहेको प्रहरीले जनाएकाे छ ।
प्रकाशित मिति: आइतबार, भदौ २९, २०७६ २०:०४
प्रतिक्रिया दिनुहोस्
