पाल्पा - लगातार विद्युत अबराेधकाे समस्या झेलिरहेका पाल्पाका उपभाेक्ताले मंगलबार पनि ६ घण्टा विद्युत अबराेध झेल्नुपर्ने भएकाे छ । बुटवलकाे चाैराहामा ३३ केभीकाे प्रशारण लाइन बनाउन भन्दै बुटवल वितरण केन्द्रले मंगलबार बिहान ६ बजेदेखि मध्यान्न १२ बजेसम्म विद्युतकाे लाइन काट्ने जनाएकाे छ ।
पाल्पामा पानी र हावा पर्ने बित्तिकै घण्टाैँ बिद्युत अबराेधकाे समस्या झेलेका यहाँका उपभाेक्ता भने फेरी निरास भएका छन् । यस्तै पाल्पा वितरण केन्द्रले पनि हरेक हप्ताजसाे रूखका हाँगा काट्ने भन्दै विद्युत लाइन काट्दै अाएकाे छ । यसले पनि पाल्पामा उपभाेक्ता हैरान भएका छन् ।
मंगलबार पाल्पा लगायत गुल्मी, र अर्घाखाँची जिल्लामा समेत विद्युत लाइट काटिने बताइएकाे छ ।
प्रकाशित मिति: सोमबार, भदौ १६, २०७६ २१:४४
प्रतिक्रिया दिनुहोस्
साताको लोकप्रीय