X
5
Shares

तानसेनका युवालाई सहुलियत व्याजदरमा विनाधितो ऋण दिन सुरु

रानीमहल संवाददाता || २ श्रावण २०७६,बिहीबार २०:४२

पाल्पा – तानसेन नगरपालिकाले युवालाई विनाधितो ऋण दिन नेपाल बैंक लिमिटेडसँग सम्झौता अनुसार बैँकले कर्जा प्रवाह थालेको छ । तानसेनभित्रका युवालाई स्वरोजगार बनाउने उद्देश्यका साथ नगरपालिका जमानी बसेर सिफारिस गरेपछि नेपाल बैंक लिमिटेडले विनाधितो ऋण दिने व्यवस्था गरेको छ । सोही व्यवस्था अनुसार तानसेन–८, का श्रवणकुमार लम्साललाई बिनाधितो पाँच लाख ऋण प्रदान गरिएको हो ।

तानसेन नगरपालिकाका प्रमुख अशोक कुमार शाही र नेपाल बैंक पाल्पाका प्रवन्धक सुरज घिमिरेले संयुक्त रुपमा ऋणको ‘अफर लेटर’ हस्तान्तरण गर्नुभएको छ । लम्सालले गाईपालनका लागि सस्तो ब्याजदरमा नेपाल बैंक पाल्पा शाखाबाट पाँच लाख ऋण प्राप्त गर्नुभएको छ ।

तानसेन नगरपालिका प्रमुख शाहीले ऋणको सदुपयोग गर्न आग्रह गर्दै आगामी दिनमा थप युवालाई समेत ऋण प्रदान गरिने बताउनुभयो । नेपाल बैंक पाल्पाका प्रवन्धक सुरज घिमिरेले तानसेन नगरपालिकाको यूवा स्वरोजगार कार्यक्रममार्फत ऋण लिने सेवाग्रहीलाई बैंकले कुनै सेवा शुल्क नलिने बताउनुभयो । स्वरोजगार कार्यक्रमका ऋणीले हरेक महिना सावा/व्याज सहित तीन वर्षसम्म किस्ता तिर्नुपर्नेछ । नियमित सावा ब्याज भूक्तानी गर्नेलाई तीन तीन महिनामा ब्याज फिर्ता गर्ने व्यवस्था छ ।

यो खबर पढेर तपाईलाई कस्तो महसुस भयो ?

प्रतिक्रिया दिनुहोस

Your email address will not be published. Required fields are marked *


क्लिक मिडिया नेटवर्क प्रा.लि.पाल्पा,
नेपालद्वारा संचालित
इरानीमहल डटकमको लागि
अनलाइन न्यूज पोर्टल
ranimahalnews@gmail.com
संपादक:अमृत अधिकारी
फाेन नं : ०७५-५२२६०७
मो नं : ९८५७०६००४७
सुचना बिभाग दर्ता नं.७५२/०७४-७५

Powered By: Softbenz Infosys