पाल्पा - पाल्पाको सीमास्थत पाल्पाको रैनादेवी छहरा गाउँपालिका वडा नं. ७ बल्ढेङगढीस्थित ढाबमा सालका दुई सय ७२ वटा सालका रुख काट्ने स्थानीय चार जनालाई जिल्ला अदालतले पाल्पाले जनही २० हजार रुपैयाँ धरौटीमा छोडेको छ ।

उनीहरुलाई निशर्त रिहाइकाे माग गरेर सामुदायिक वन उपभोक्ता महासंघ पाल्पाले आईतबार तानसेनमा विरोध सभा गरेको थियो । विद्युत विस्तार गर्दा पोल तथा तार बिछ्याउने ठाउँभन्दा बाहिरका सालका रुखहरु काटेपछि जिल्ला वन कार्यालय पाल्पाले स्थानीयमध्ये चार जनालाई पक्राउ गरी हिरासत पठाएको थियो ।

२६ दिन अघि पक्राउ परी हिरासतमा रहेका ती चारजनालाई न्यूनतम धरौटीमा उनीहरु सोमबार छुटेका छन् । जिल्ला वन कार्यालय पाल्पाले यसअघि बल्ढेङ्गढीका स्थानीय मिनबहादुर पुन, चित्रबहादुर कुमार, हुमबहादुर सारु र टोमबहादुर कुमाललाई पक्राउ गरी हिरासत पठाएको थियो ।

उनीहरुको सोमबार जिल्ला अदालत पाल्पामा थुनछेक बहस पछि अदालतले उनीहरूलाइ धराैटीमा रिहा गर्न आदेश दिएकाे हाे ।