X
5
Shares

जल्पाकाे साठीकाेलमा लिफ्ट खानेपानी याेजना सुरू

रानीमहल संवाददाता || ७ जेष्ठ २०७६,मंगलवार ११:४७

रानीमहल पाल्पा, ७ जेठ । पूवॅखोला गाउँपालिका-२, जल्पा साठीकोलमा लिफ्ट खानेपानी याेजनाकाे सिल्यान्स भएको छ । साठीकाेलका ६३ घरधुरीले पाएकाे खानेपानीकाे सास्ती कम गर्न यहाँ प्रदेश सरकारकाे सहयाेगमा लिफ्ट खानेपानीकाे याेजना सुरू भएकाे हाे ।

अहिले पर्याप्त खानेपानी नहुँदा यहाँका बासिन्दा घण्टाैँ लाइनमा बसेर एक गाग्राे पानीकाे जाेहाे गर्नुपर्ने अवस्था छ । प्रदेश नं ५ सरकारकाे एक घर एक धारा पुर्याउने लक्ष्य सहित ९० लाख रूपियाँमा यहाँ खानेपानीकाे याेजना सुरू भएकाे हाे ।

पुरानाे खानेपानीकाे धारामा लाइन राखेर पानी भर्दै यहाँका स्थानीय बासिन्दा ।

घरमा खाने पानी सुबिधा हुने भएपछि गाउँबासीमा खुसीयाली छाएकाे छ । वर्षाैदेखिकाे खानेपानीकाे समस्या अब छिट्टै हट्ने विस्वास रहेकाे स्थानीय बासिन्दा पूर्णबहादुर सारूले बताउनुभयाे । लिफ्टिङ गरी ३२० मिटर तलबाट दुइवटा २० हजारको ट्याङ्की बनाएर याेजना सम्पन्न गर्ने लक्ष्य रहेकाे डिभिजन कार्यालय पाल्पाका प्राविधिक शाेभाखर अधिकारीले जानकारी दिनुभयाे ।

खानेपानी उपभोक्ता समितिका अध्यक्ष बोम बहादुर सारूले यहाँका जनताले अब खानेपानीकाे समस्या भाेग्नु नपर्ने बताउनुभयाे । अहिलेसम्म माेटरबाटाे समेत नपुगेकाे साे स्थानमा बाटाे पुर्याएर खानेपानीकाे काम समेत छिटाे सम्पन्न गर्ने लक्ष्य रहेकाे छ ।

यो खबर पढेर तपाईलाई कस्तो महसुस भयो ?

प्रतिक्रिया दिनुहोस

Your email address will not be published. Required fields are marked *


क्लिक मिडिया नेटवर्क प्रा.लि.पाल्पा,
नेपालद्वारा संचालित
इरानीमहल डटकमको लागि
अनलाइन न्यूज पोर्टल
ranimahalnews@gmail.com
संपादक:अमृत अधिकारी
फाेन नं : ०७५-५२२६०७
मो नं : ९८५७०६००४७
सुचना बिभाग दर्ता नं.७५२/०७४-७५

Powered By: Softbenz Infosys