X
10
Shares

स्याङ्जाका कर्मचारीले रक्सी, चुराेट र सुर्ती नखाने सपथ लिए

अमृत अधिकारी || ५ जेष्ठ २०७६,आईतवार १०:२८

रानीमहल स्याङ्जा, ५ जेठ । जिल्लाका सरकारी कार्यालयका कर्मचारीले रक्सि, चुरोट र सुर्ती सेवन नगर्ने प्रतिबद्धता जनाएका छन् । अबदेखि कहिल्यै सुर्ती, रक्सी, चुराेट सेवन नगर्ने प्रतिबद्धता सहित प्रमुख जिल्ला अधिकारी कोशहरि निरौलाले स्याङ्जाका कर्मचारीहरूलाइ सपथ खुवाउनुभयाे ।

प्रजिअ निराैलाले खुवाएकाे शपथमा नेपाली सेना, सशस्त्र प्रहरी, नेपाल प्रहरी, पुतलीबजार नगरपालिका, स्थानीय तहका स्वास्थ्य प्रमुख, अस्पतालका प्रमुख तथा चिकित्सक, विभिन्न सरकारी कार्यालयका प्रमुख तथा सरोकारवाला निकायका प्रमुख तथा प्रतिनिधि सहभागी थिए ।

धूमपान र मध्यपान नगर्न सहभागीलाई शपथ खुवाउँदै प्रजिअ निरौलाले स्वास्थ्य तथा जनसंख्या मन्त्रालयले निकालेको ‘मेरो वर्षु पुस्तिकामा’, म रक्सी, चुरोट र सुर्तीजन्य पदार्थ खान्नँ’ भन्ने शपथ रहेको छ । म नियमित व्यायाम गर्छु, स्वस्थ र पोसिलो खाना खान्छु, नियमित स्वास्थ्य परीक्षण गराउँछु र मेरो परिवार र समुदायको स्वास्थ्यप्रति सजग रहन्छु भन्ने शपथमा उल्लेख गरिएकाे छ ।

निरौलाले सबै वाक्य पढेर सहभागीलाई शपथ खुवाउनुभएकाे थियाे । ‘हामीले आजदेखि रक्सी, चुरोट र सुर्तीजन्य पदार्थ नखाने प्रतिबद्धता जनाएका छौं, उहाँले भन्नुभयाे यो एक प्रकारको कसम हो । कार्यालयमा मात्र होइन, घरमा पनि लागू गर्नुस् ।’

आफू स्वस्थ रहन प्रतिबद्धता र आफ्नो प्रतिबद्धतामा कार्यान्वयनको खाँचो रहेको उहाँले बताउनुभयाे । जेठ ३ रक्तचाप दिवसका अवसरमा आयोजित कार्यक्रममा नसर्ने रोगका बारेमा जानकारी गराइएको थियो । धूमपानका र मध्यपानका कारण कस्ताकस्ता रोग लाग्छन् भन्ने विषयमा स्वास्थ्य प्रमुख यामप्रसाद शर्माले जानकारी दिनुभयाे । शर्माले रक्सी, चुरोट र सुर्तीजन्य पदार्थ नखाएमा जीवनशैली सुधार भई मधुमेह, मुटुरोग, क्यान्सर, दीर्घ श्वासप्रश्वास रोगजस्ता नसर्ने रोगको जोखिम कम हुने बताउनुभयाे ।

पुतलीबजार नगरपालिकाका प्रमुख प्रशासकीय अधिकृत रुद्रप्रसाद मल्लले ५ प्रतिबद्धताको पालना आफूले मात्रै नगरी कार्यालय, परिवारमा पनि लागू गर्नुपर्ने बताउनुभयाे । ‘म, मेरो कार्यालय र परिवारमा सकेसम्म लागू गर्छु,’ उहाँले भन्नुभयाे जिल्ला प्रहरी प्रमुख एसपी राजकुमार लम्सालले आफूले धूमपान र मध्यपान केही नगर्ने बताउँदै प्रहरी कर्मचारीलाई पनि यसतर्फ प्रतिबद्धता गराउने बताउनुभयाे ।

स्वास्थ्य प्रमुख शर्माले मेरो वर्ष म स्वास्थ्य, मेरो देश स्वस्थ्य अभियान ०७५/७६ लाई कार्यान्वन गर्नको लागी जिल्लाभर अभियान थालिने बताउनुभयाे । जिल्लाले एकलाख रुपैयाँ पाउने बिरामीलाई दिएको सिफारिसअनुसार मुटुरोगी र क्यान्सरका २ सय ७५ जना र ६० प्रतिशतो मृत्यु नसर्ने रोगबाट हुने गरेको उहाँले बताउनुभयाे ।

नेपालको कुल जनसंख्याको ३ प्रतिशत शारीरिक रूपमा पूर्ण निक्रिय रहेको छ । ५३ प्रतिशत सिफारिस अनुसार गर्नुपर्ने शारीरिक व्यायाम नगर्ने र सहरी क्षेत्रमा बसोबास गर्नेहरू यसतर्फ निष्क्रय रहेको तथ्यांक छ । चुरोट सेवनका कारण १० प्रतिशत मानिसको मृत्यु भइरहेको छ ।

यो खबर पढेर तपाईलाई कस्तो महसुस भयो ?

प्रतिक्रिया दिनुहोस

Your email address will not be published. Required fields are marked *


क्लिक मिडिया नेटवर्क प्रा.लि.पाल्पा,
नेपालद्वारा संचालित
इरानीमहल डटकमको लागि
अनलाइन न्यूज पोर्टल
ranimahalnews@gmail.com
संपादक:अमृत अधिकारी
फाेन नं : ०७५-५२२६०७
मो नं : ९८५७०६००४७
सुचना बिभाग दर्ता नं.७५२/०७४-७५

Powered By: Softbenz Infosys