X
0
Shares

जेष्ठ नागरिकलाई सम्मान सहित बल्याङ्केट र झुल वितरण

अमृत अधिकारी || ३ जेष्ठ २०७६,शुक्रबार २०:२६

रानीमहल पाल्पा, ३ जेठ । माथागढी–३, का जेष्ठ नागरिकहरूलाई सम्मान तथा परिचयपत्र वितरण गरिएको छ । माथागढी गाउँपालिका ३ नं. वडापालिकाले यहाँका ५० भन्दा बढी
जेष्ठ नागरिकहरूलाई ओढ्ने बल्याङ्केट र लामखुट्टेबाट बच्न झुल समेत प्रदान गरिएको हो ।

गाउँपालिकाका अध्यक्ष सन्तोष थापा र प्रमूख प्रशासकीय अधिकृत दिपक नेपालीले बृद्धबृद्धालाई सम्मान सहित बल्याङ्केट र झुल वितरण गर्नुभएको थियो । माथागढी वडा नं. ३ का अध्यक्ष दिपक थापाले जेष्ठ नागरिकहरूलाइ हरेक वर्ष सम्मान कार्यक्रम गर्दै आएको बताउँदै यो वर्ष गाउँपालिकाबाट विनियोजन भएको ५० हजार रुपियाँबाट बल्याङ्केट र झुल वितरण गरेको जानकारी दिनुभयो ।

कार्यक्रममा प्रमूख अतिथि गाउँपालिकाका अध्यक्ष थापाले राज्यले बृद्धाहरुका लागि बृद्धाभत्ता वितरण गर्दै आएको र अहिले गाउँपालिको बृद्धाहरुलाई केन्द्रित गरेर घर–घरमा स्वास्थ्य सेवा दिएको जानकारी दिनुभयो । यस्तै प्रमूख प्रशासकीय अधिकृत नेपालीले बृद्धबृद्धाहरुबाट पुराना अनुभव युवापुस्ताले सिक्नुपर्ने आवश्यकता औल्याउनुभयो ।


कार्यक्रममा दिव्य ज्योति माविका अध्यक्ष रेखीराम राना, सोही विद्यालयका प्रधानाध्यापक नारायणप्रसाद अधिकारीले लामो समय समाजका लागि योगदान गर्नुहुने जेष्ठ नागरिकलाई सबैले सम्मान गर्नुपर्नेमा जोड दिनुभयो ।

कार्यक्रम जेष्ठ नागरिक सम्मान कार्यक्रमका संयोजक रामबहादुर थापाको अध्यक्षता, वडा सचिव पुनम चिदीको स्वागत र सुकमाया दर्जीको सञ्चालनमा सम्पन्न भएको थियो । साेही अवसरमा जेष्ठ नागरिकलाइ परिचयपत्र समेत वितरण गरिएकाे थियाे ।

यो खबर पढेर तपाईलाई कस्तो महसुस भयो ?

प्रतिक्रिया दिनुहोस

Your email address will not be published. Required fields are marked *


क्लिक मिडिया नेटवर्क प्रा.लि.पाल्पा,
नेपालद्वारा संचालित
इरानीमहल डटकमको लागि
अनलाइन न्यूज पोर्टल
ranimahalnews@gmail.com
संपादक:अमृत अधिकारी
फाेन नं : ०७५-५२२६०७
मो नं : ९८५७०६००४७
सुचना बिभाग दर्ता नं.७५२/०७४-७५

Powered By: Softbenz Infosys