X
0
Shares

तिनाउमा दलित महिलाहरुलाई मुढा बुन्ने तालिम

अमृत अधिकारी || २९ चैत्र २०७५,शुक्रबार ०१:३९

रानीमहल पाल्पा, २९ चैत । तिनाउँ गाउँपालिका वडा नं. ६ चिदिसमा दलित महिलाहरुलाई मुढा बन्ने तालिम सकिएको छ । गाउँपालिकाको आर्थिक सहयोगमा २५ जना दलित महिलाहरुलाई सीपमुलक तालिम दिइएको हो । तालिममा कोपिला अस्लामीले प्रशिक्षण दिनुभएको थियो ।

दलित महिला संघ चिदीसकी अध्यक्ष मेनुका गहतराजको अध्यक्षतामा भएको समापन कार्यक्रममा गाउँपालिकाका अध्यक्ष ओमबहादुर घर्ती प्रमुख अतिथि रहनुभएको थियो । प्रमुख अतिथि घर्तीले तालिममा सिकेका सीपलाई व्यवहारमा उत्र्तान सकेमा आय आर्जन सँगै गाउँपालिकाको लगानीको सदुपयोग हुने बताउनुभयो ।

वडा अध्यक्ष टोमबहादुर पुनले गाउँ ठाउँमा रहेका बाँसको उपयोग गरेर मुढा बनाउँदा सीप र स्वरोजगार हुने भएकाले आय स्तर बढाउन समेत महिलाहरुलाई सहयोगी हुने बताउनुभयो । कार्यक्रममा छवी गहतराज, वडा सदस्य सस्वती नेपाली, उर्मिला अस्लामी लगायतले सीप सिक्ने काम राम्रो भएको बताउनुभयो ।

सुनिता गहतराजको स्वागतबाट सुरु भएको कार्यक्रमको संचालन अमृता गहतराजले गर्नुभएको थियो ।
तिनाउमा दलित महिलाहरुको बीच मुढा बुन्ने तालिम

यो खबर पढेर तपाईलाई कस्तो महसुस भयो ?

प्रतिक्रिया दिनुहोस

Your email address will not be published. Required fields are marked *


क्लिक मिडिया नेटवर्क प्रा.लि.पाल्पा,
नेपालद्वारा संचालित
इरानीमहल डटकमको लागि
अनलाइन न्यूज पोर्टल
ranimahalnews@gmail.com
संपादक:अमृत अधिकारी
फाेन नं : ०७५-५२२६०७
मो नं : ९८५७०६००४७
सुचना बिभाग दर्ता नं.७५२/०७४-७५

Powered By: Softbenz Infosys