X

पत्रकार महासंघ पाल्पाका अध्यक्षमाथी कुटपिट !

अमृत अधिकारी || १५ चैत्र २०७५,शुक्रबार ११:४८

रानीमहल पाल्पा, १५ चैत । नेपाल पत्रकार महासंघ पाल्पा शाखाका अध्यक्ष राजेश कुमार अर्याल र पत्रकार विजयकुमार बाैडेल माथी शुक्रवार कुट्पिट भएको छ । तानसेन नगरपालिकाले गत फागुन १५ गते तानसेनको होलाङदीदेखि ढुंगाखानी सडक केन्द्रदेखि दायाँबायाँ १०–१० मिटर चौडा पार्ने निर्णय गरेपछि पाल्पाका पत्रकारहरूले समाचार प्रकाशन प्रशारण गरेको विषयलाई लिएर स्थानीय बासिन्दाको नाममा बाटो चौडा बनाउन नदिने भन्दै आएको समूहले उहाँलाई तानसेन नगरपालिका हातामा कुट्पिट गरेका हुन् ।

अध्यक्ष अर्याल सहित महासंघका साधारण सदस्य विजयकुमार बौडेललाई समेत कुट्पिट गरेका हुन् । उनीहरुले नगरपालिकाको निर्णयलाई लिएर समाचार प्रकाशन गरेको भन्दै बौडेललाई कुट्पिट गरेको र उहाँलाई बचाउन जाँदा अध्यक्ष अर्याल माथी नै जाइलागेको प्रत्यक्षदर्शीले जनाएका छन् ।

घटनाको सम्बन्धमा नेपाल पत्रकार महासंघ पाल्पाले एक विज्ञप्ति जारी गर्दै भ्रत्र्सना समेत गरेको छ । शाखा उपाध्यक्ष भरत शर्मा र सचिव किरण कौशलद्वारा जारी विज्ञप्तीमा भनिएको छ शाखाका अध्यक्ष राजेशकुमार अर्याल, शाखाका सदस्य विजयकुमार बौडेल लगायतका पत्रकारहरूलाई समाचार संकलनका क्रममा हातपात गरी ज्यान मार्ने प्रयास गरेको घटनाप्रति नेपाल पत्रकार महासंघ पाल्पा लगायत पाल्पाका सम्पूर्ण संचारकर्मीहरू घोर भत्र्सना गर्दछौँ ।

सूचना संकलन तथा प्रकाशन प्रशारण निर्वाध रुपमा गर्न पाउने प्रेस स्वतन्त्रतामाथिको ठाडो हस्तक्षेप निन्दनीय कदम हो । यसर्थ निहत्था संचारकर्मी माथि हातपात गर्ने र ज्यान मार्ने धम्की समेत दिने उपर आवश्यक कानूनी कारबाही गर्न साथै पाल्पाली संचारकर्मीहरुको ज्यानको सुरक्षा र अभिव्यक्ति स्वतन्त्रताको रक्षाको लागि प्रहरी प्रशासनलगायत सम्बन्धित निकायको ध्यानाकर्षण गराउँदछौँ ।

यो खबर पढेर तपाईलाई कस्तो महसुस भयो ?

प्रतिक्रिया दिनुहोस

Your email address will not be published. Required fields are marked *


काेराेना सचेतना सूचना

क्लिक मिडिया नेटवर्क प्रा.लि.पाल्पा,
नेपालद्वारा संचालित
इरानीमहल डटकमको लागि
अनलाइन न्यूज पोर्टल
ranimahalnews@gmail.com
संपादक:अमृत अधिकारी
फाेन नं : ०७५-५२२६०७
मो नं : ९८५७०६००४७
सुचना बिभाग दर्ता नं.७५२/०७४-७५

Powered By: Softbenz Infosys