X
0
Shares

तिनाउँ गाउँपालिकामा जेष्ठ नागरिक दिवा सेवा कार्यक्रम

अमृत अधिकारी || २३ फाल्गुन २०७५,बिहीबार १३:२३

रानीमहल पाल्पा २३ फागुन । जिल्लाको तिनाउँ गाउँपालिकाका जेष्ठ नागरिकहरुको भेला सम्पन्न भएको छ । समितिका अध्यक्ष इश्वरी प्रसाद पाण्डेको अध्यक्षतामा भएको भेलाको प्रमुख अतिथि गाउँपालिकाका प्रमुख ओमबहादुर घर्ती मगर रहनुभएको थियो ।

प्रमुख अतिथि घर्तीले गाउँपालिकाले जेष्ठ नागरिक दिवा सेवा कार्यक्रम सुरु गरेको वर्ष दिन पुगेको अवसरमा भेला गरिएको बताउनुभयो । उहाँले प्रत्येक महिना जेष्ठ नागरिकलाई भेला गराएर खाना खुवाउने, नाचगान गराउने, भजन किर्तन गराउने गर्दै आएको बताउनुभयो ।

उहाँले आगामि वर्षदेखि बजेट नै विनियोजन गरेर प्रत्येक वडामा जेष्ठ नागरिक दिवा सेवा कार्यक्रम संचालन गर्ने बताउनुभयो ।
कार्यक्रममा परमानन्द बालवृद्ध कल्याण संघ पाल्पाबाट कमलराज पौडेल, धर्मचक्र नेपाल, खड्कबहादुर कूँवर लगायतको उपस्थिति रहेको थियो । जेष्ठ नागरिक समन्वय समिति तिनाउँको अध्यक्ष तथा वडा नं. ३ का अध्यक्ष प्रेम पाण्डेको संचालनमा कार्यक्रम भएको थियो । कार्यक्रममा वडा अध्यक्ष रोमबहादुर लम्तरी, दानबहादुर गाहा, दलबहादुर दर्लामी, पम्फा दर्लामी लगायतले जेष्ठ नागरिकको योगदाको बारेमा चर्चा गर्नुभयो ।

यो खबर पढेर तपाईलाई कस्तो महसुस भयो ?

प्रतिक्रिया दिनुहोस

Your email address will not be published. Required fields are marked *


क्लिक मिडिया नेटवर्क प्रा.लि.पाल्पा,
नेपालद्वारा संचालित
इरानीमहल डटकमको लागि
अनलाइन न्यूज पोर्टल
ranimahalnews@gmail.com
संपादक:अमृत अधिकारी
फाेन नं : ०७५-५२२६०७
मो नं : ९८५७०६००४७
सुचना बिभाग दर्ता नं.७५२/०७४-७५

Powered By: Softbenz Infosys