X
5
Shares

पाल्पाको निस्दीमा ट्रिपरको ठक्करबाट एक बालिकाको ज्यान गयो, एक घाइते

अमृत अधिकारी || ५ फाल्गुन २०७५,आईतवार ११:४५

स्थानीयद्वारा शब रोडमा राखेर प्रदर्शन
सीता डोटेल पाल्पा ५ फागुन ।

पाल्पामा ट्रिपरको ठक्करबाट ९ बर्षे बालिकाको मृत्यु भएको छ भने अर्की एक बालिका घाइते भएकी छन् ।
जिल्लाको निस्दी ७ ज्यामिरेको लामेटारमा टिप्परले ठक्कर दिदा सेरागाउँका ९ बर्षकी ममिता सारुको ज्यान गएको हो । त्यस्तै सोही ठाउँकी ७ बर्षे सुनिता बाह्रघरे घाइते भएकी हुन । उनको खुट्टामा चोट लागेको पाल्पाका प्रहरी उपरीक्षक विश्वमणी पोखरेलले बताउनुभयो ।

समाचार प्रतिनिधि तस्विर गुगलबाट

होङसी शिवम् सीमेन्ट उद्योगका लागि चुनढुङ्गा लिएर जाँदै गरेको ना १ ख १५११ नम्बरको ट्रिपरको ठक्करबाट विद्यालय जाँदै गरेका बालिकालाई ठक्कर दिएको हो । निस्दी गाउँपालिका–७,ज्यामिरेको लामेटारमा ठक्कर दिने टिप्परका चालकलाई नियन्त्रणमा लिएको प्रहरी उपरीक्षक पोखरेलले बताउनुभयो ।

स्थानीयले बालिकाको शव बाटोमै राखेर प्रदर्शन गरिरहेका कारण उद्योग खानी जाने बाटो पूर्ण रुपमा बन्द भएको छ। गाडी धनी आएर सम्झौता गरेपछी मात्र बालिकाको शब उठाउने अडान लिएका कारण दाङबाट गाडीधनी घटनास्थलमा आउदै गरेको प्रहरीले जनाएको छ । स्थानीयको अवरोधपछि बन्द रहेको होङसी सीमेन्ट उद्योगको खानी शनिबार बेलुकादेखीमात्र सञ्चालनमा आएको थियो ।
स्थानीयको समस्या कम्पनीले नबुझेको भन्दै निस्दी गाउँपालिका–७, ज्यामिरेका स्थानीयले गत फागुन १ गतेदेखी टिप्पर सञ्चालनमा रोक लगाएका थिए। यही फागुन ४ गते शनिबार पाल्पाका प्रमुख जिल्ला अधिकारी, प्रहरी प्रमुख, सशस्त्र प्रहरी प्रमुख सहित कम्पनीका प्रतिनिधि, स्थानिय बासी र सरोकारवालाको छलफलबाट स्थानीयको मागहरु पुरा गर्न कम्पनी तयार रहेको प्रतिवद्धतापछि कार्यदल बनाई सहमती गरेपछीअवरोध खुलेको थियो । सो समयमा खानीबाट चुनढुङ्गा ओसार्ने काम बन्द हुँदा सीमेन्ट उद्योग समेत प्रभावित बन्न पुगेको थियो । यो अबस्थामा पुनः आइतवार घटना पछि दिनभर अबरुद्ध भएको हो ।

यो खबर पढेर तपाईलाई कस्तो महसुस भयो ?

प्रतिक्रिया दिनुहोस

Your email address will not be published. Required fields are marked *


क्लिक मिडिया नेटवर्क प्रा.लि.पाल्पा,
नेपालद्वारा संचालित
इरानीमहल डटकमको लागि
अनलाइन न्यूज पोर्टल
ranimahalnews@gmail.com
संपादक:अमृत अधिकारी
फाेन नं : ०७५-५२२६०७
मो नं : ९८५७०६००४७
सुचना बिभाग दर्ता नं.७५२/०७४-७५

Powered By: Softbenz Infosys