X

नाकाबन्दीको हल्लासँगै पाल्पामा पेट्रोलपम्पमा लाइन, बजारमा कृतिम अभाव बढ्दै

    रानीमहल संवाददाता || २९ फाल्गुन २०७६,बिहीबार २०:५१

पाल्पा– चिनबाट फैलिएको नोबेल कोरोनाको त्रासका कारण भारतले आफ्ना सबै स्थलमार्ग बन्द गर्ने घोषणा गरेसँगै त्यसको असर नेपालमा समेत देखिएको छ ।


भारतले नाकाबन्दी गर्ने हल्लासँगै नेपालमा महङ्गी बढेको छ भने अर्कोतर्फ पट्रोलियम पदार्थ समेत सटेज हुने भन्दै पम्पहरुमा लाइन लाग्न थालेको छ ।


जिल्ला सदरमुकाम तानसेनमा समेत रहेका पम्पहरुमा अहिले मोटरसाइकलको लाइन लागेको छ ।


तानसेनमा रहेको तानसेन ट्रेड कन्सर्न बसपार्क, श्रीनगर आयल, वृन्दावन, हाइवे पेट्रोलपम्म लामिडाँडा लगायतका क्षेत्रमा ग्राहकहरुको लाइन लागेको छ । नाकाबन्दीको हल्लासँगै बजारमा उपभोग्यवस्तुको भाउ समेत महंगो हुन थालेको छ ।

साथै व्यवसायीहरुले कृतिम अभाव समेत सिर्जना गर्न थालेका छन् त्यसको नियन्त्रणका लागि स्थानीय प्रशासनको ध्यान पुग्नुपर्ने देखिन्छ ।

बजारमा खाध्यवस्तुहरु, नुन, तेल, मसला लगायतका सामग्रीहरुको अभाव हुन थालेको छ तानसेनका विभिन्न पसलहरुमा अहिले तेल तथा नुनको अभाव बढ्दै गएको स्थानीयको गुनासो रहेको छ ।

तानसेन बसपार्कमा रहेको तानसेन ट्रेड कन्सर्नमा पेट्रोल भर्न उपभोक्ताको बेलुकीकाे लाइन तस्वीर : सुर्दशन पाण्डे ।

प्रतिक्रिया दिनुहोस

क्लिक मिडिया नेटवर्क प्रा.लि.पाल्पा,
नेपालद्वारा संचालित
इरानीमहल डटकमको लागि
अनलाइन न्यूज पोर्टल
ranimahalnews@gmail.com
संपादक:अमृत अधिकारी
फाेन नं : ०७५-५२२६०७
मो नं : ९८५७०६००४७
सुचना बिभाग दर्ता नं.७५२/०७४-७५