X
980
Shares

पाल्पाको लुम्बिनी मेडिकल कलेजमा दुईजना संक्रमितको मृत्यु

रानीमहल संवाददाता || १७ मंसिर २०७७,बुधबार ०९:३९

पाल्पा – पाल्पाको तानसेनस्थित लुम्बिनी मेडिकल कलेजमा उपचाररत दुईजना कोरोना संक्रमितको मृत्यु भएको छ ।

पाल्पाको बगनासकाली गाउँपालिका –१ का ३८ वर्षीय पुरुष र स्याङ्जाको गल्याङ नगरपालिका –४ का ३९ वर्षीय पुरुषको उपचारका क्रममा गएराति मृत्यु भएको स्वास्थ्य कार्यालय पाल्पाका सूचना अधिकारी ओमप्रकाश पन्थीले जानकारी दिनुभयो ।

स्वास्थ्य कार्यालयका अनुसार पाल्पा बगनासकालीका पुरुषमा मंसिर १३ गते कोरोना पुष्टि भएको थियो । १४ गते अस्पताल भर्ना हुनुभएका पुरुषमा उच्च रक्तचापको समस्या रहेको स्वास्थ्य कार्यालयले जनाएको छ ।

त्यस्तै, स्याङ्जा गल्याङका पुरुषमा मंसिर २ गते कोरोना संक्रमण पुष्टि भएको स्वास्थ्य कार्यालयले जनाएको छ । २ गते नै मेडिकल कलेज भर्ना हुनुभएका पुरुषको उपचारका क्रममा मृत्यु भएको हो । मेडिकल कलेजका अनुसार उहाँमा श्वासप्रश्वासमा समस्या देखिएको थियो ।

यो खबर पढेर तपाईलाई कस्तो महसुस भयो ?

प्रतिक्रिया दिनुहोस

Your email address will not be published. Required fields are marked *


क्लिक मिडिया नेटवर्क प्रा.लि.पाल्पा,
नेपालद्वारा संचालित
इरानीमहल डटकमको लागि
अनलाइन न्यूज पोर्टल
ranimahalnews@gmail.com
संपादक:अमृत अधिकारी
फाेन नं : ०७५-५२२६०७
मो नं : ९८५७०६००४७
सुचना बिभाग दर्ता नं.७५२/०७४-७५