X

आजदेखि दशैं सुरु, घरघरमा जमरा राखिँदै

रानीमहल संवाददाता || १ कार्तिक २०७७,शनिबार ०७:४७

पाल्पा – नेपालीहरुको महान चाड दशैं आजबाट सुरु भएको छ । प्रत्येक वर्ष आश्विन शुक्ल प्रतिपदादेखि पूर्णिमासम्म दशैं मनाइन्छ । दशैंको पहिलो दिन आज घरघरमा वैदिक विधिपूर्वक दियो, कलश र गणेश स्थापना गरी घटस्थापना गरिन्छ। आजबाट नवरात्र सुरु भएको मानिन्छ ।

 

आज विहानै नुहाएर नजिकको नदी वा चोखो स्थलबाट माटो ल्याई गाईको गोबरले लिपपोत गरिएको पूजाकोठा अथवा दशैं घरमा विधिपूर्पक राखेर त्यसमाथि जौ रोपिन्छ । यसलाई जमरा राख्ने भनिन्छ । आज जमरा राख्ने साइत विहान ११ बजेर ४६ मिनेटमा रहेको छ । विजयादशमीको दिन टीका प्रसादसँगै समृद्धीको प्रतीक पहेँलो जमरा ग्रहण गरिन्छ ।

यसपाली दशैंको टीका कात्तिक १० मा परेको छ । विजयादशमीका दिन बिहान १०ः१९ बजे देवी विसर्जन गरेपछि टीकाको शुभ साइत १०ः१९ बजे रहेको छ ।

यस वर्ष कोभिड–१९ महामारीका कारण दसैंमा विगत वर्ष जस्तो रौनक र उत्साह छैन। सरकारले पनि दसैंमा धेरै जमघट नगर्न र घरभित्रमात्रै एक ठाउँमा बसेर दसैं मनाउन आग्रह गर्दै आएको छ।

यो खबर पढेर तपाईलाई कस्तो महसुस भयो ?

प्रतिक्रिया दिनुहोस

Your email address will not be published. Required fields are marked *


क्लिक मिडिया नेटवर्क प्रा.लि.पाल्पा,
नेपालद्वारा संचालित
इरानीमहल डटकमको लागि
अनलाइन न्यूज पोर्टल
ranimahalnews@gmail.com
संपादक:अमृत अधिकारी
फाेन नं : ०७५-५२२६०७
मो नं : ९८५७०६००४७
सुचना बिभाग दर्ता नं.७५२/०७४-७५