X

कविता : सडक मानव !

रानीमहल संवाददाता || १८ आश्विन २०७७,आईतवार २१:२२

– गम ‘समर्पण’

एक भलाद्मी मान्छे

सहरको सडकमा

पाईला चाल्दै जान्छ

हरेक विहान

हरेक साँझ

व्यवसायलाई विश्वव्यापी

बनाउने उसको ठूलो सपना छ

उहीँ सडक छेउमा

एक सडक

मानव भोकले तड्पिरहन्छ

रोगले ग्रासित छ

ग्रीष्ममा तापले सेक्छ

शिशिर याममा

चिसोले कठ्याङ्ग्रिन्छ

उसको न आफन्त छन्

न छिमेकी/समाज छ

न राज्य छ

उसलाई देख्ने

न सरकार नै छ

उद्धार गर्ने

एकदिन भोकले

व्याकुल भएर

उहीँ बाटो हिड्ने

भलाद्मीलाई भोको

पेटको लागि पाउ पर्छ

निरीह आँखाबाट थोपा झार्दै

बचाउको याचना गर्छ

अफसोच !

भलाद्मीको वचन आउँछ- “छोड,

मलाई हतार छ गरी खान सक्दैनस्

तँलाई पाल्ने म हैन”

तर, भलाद्मी मान्छेको घरमा

जङ्गे कुकुरहरू पालिएका छन्

जाडोले कठ्याङ्ग्रिने

डरले न्यानो लुगा

लगाई दिएका छन्

दैनिक हजारौंको व्यञ्जनहरू

ती भाग्यमानी कुकुरले

नखाएर फोहोरमा

मिल्काईरहेका हुन्छन्

१८, असोज-२०७७

यो खबर पढेर तपाईलाई कस्तो महसुस भयो ?

प्रतिक्रिया दिनुहोस

Your email address will not be published. Required fields are marked *


क्लिक मिडिया नेटवर्क प्रा.लि.पाल्पा,
नेपालद्वारा संचालित
इरानीमहल डटकमको लागि
अनलाइन न्यूज पोर्टल
ranimahalnews@gmail.com
संपादक:अमृत अधिकारी
फाेन नं : ०७५-५२२६०७
मो नं : ९८५७०६००४७
सुचना बिभाग दर्ता नं.७५२/०७४-७५