X

पाल्पामा पितृ प्रसाद खाएर बिरामी भएका ७५ मध्ये ४० जना अस्पतालबाट डिस्चार्ज

रानीमहल संवाददाता || १५ श्रावण २०७७,बिहीबार २०:३६

पाल्पा – केही दिनअघि रामपुर नगरपालिका–७, मोहटीमा १३ औँ दिनको पितृप्रसाद खाएर बिरामी परेका ७५ जनामध्ये ४० जना निको भएर अस्पतालबाट डिस्चार्ज भएका छन् ।

मोहटी गाउँका छिमेकी र आफन्त खीर तथा अन्य परिकार खादा ७५ जना बिरामी परेका थिए । उनीहरुलाई पितृ प्रसाद खाएको भोलिपल्टदेखि नै वान्ता हुने, पखाला लाग्ने, टाउको दुख्ने, रिंगाटा लाग्ने समस्या देखिएको थियो ।

प्रसादका कारण बिरामी भएका ५० भन्दा बढी मानिसको लुम्विनी मेडिकल कलेज प्रभासमा तीन दिनदेखि उपचार भईरहेको छ । अस्पतालका निर्देशक डा. राजु शाक्यले प्रसाद खाएर बिरामी भएका ४० जनालाइ स्वास्थ्यमा सुधार आएपछि डिस्चार्ज गरिएको बताउनुभयो । बाँकी अन्यको पनि स्वास्थ्यमा सुधार देखिएको र केही दिनपछि डिस्चार्ज गरिने डा. शाक्यले बताउनुभयो ।

रामपुर अस्पतालमा समेत १५ जना भन्दा बढीको उपचार भईरहेको अस्पतालले जनाएको छ । उनीहरुको समेत स्वास्थ्यमा सुधार आएको छ । पितृ प्रसादमा कुन खालको अखाद्य बस्तु मिस्सिएको थियो भन्ने बारेमा भने अनुसन्धान भईरहेको छ । रामपुर नगरपालिकाले प्रसादका लागि सामान बिक्री गर्ने पसलको अनुगमन गरेर केही खाद्य पदार्थ शील गरेको छ ।

प्रतिक्रिया दिनुहोस

Your email address will not be published. Required fields are marked *


क्लिक मिडिया नेटवर्क प्रा.लि.पाल्पा,
नेपालद्वारा संचालित
इरानीमहल डटकमको लागि
अनलाइन न्यूज पोर्टल
ranimahalnews@gmail.com
संपादक:अमृत अधिकारी
फाेन नं : ०७५-५२२६०७
मो नं : ९८५७०६००४७
सुचना बिभाग दर्ता नं.७५२/०७४-७५