X

पाल्पाको बेथल स्कूलमा निरन्तर अनलाइन कक्षा संचालन

रानीमहल संवाददाता || ७ असार २०७७,आईतवार २०:३०

पाल्पा – तानसेनस्थित बेथल बोर्डिङ् स्कुलले अनलाइन कक्षालाई निरन्तरता दिएको छ । लकडाउन भएको १५ दिनपछि एसइईका विद्यार्थीलाई केन्द्रित गरी सुरु गरेको अनलाईन कक्षा हाल आएर कक्षा ३ देखि १० सम्मका विद्यार्थीलाई केन्द्रित गरेर संचालनमा ल्याइएको हो ।

विद्यालयले पूर्वप्राथमिक तहदेखि कक्षा ५ सम्म अध्यनरत विद्यार्थीहरुलाई नमुना सिकाइयोग्य कार्यको रुपमा पाठ्यक्रममा आधारित कक्षा समेत संचालन गरेको जनाएको छ । यो जिल्लामै पहिलो पटक गरिएको अभ्यास रहेको विद्यालयका प्रिन्सिपल खेम सारुले दावी गर्नुभयो ।

विद्यार्थीहरुलाई दैनिक रुपमा मुख्यपाँच वटा विषयको पाठ्यक्रमलाई घरमै बसेर अध्ययन र गृहकार्य गर्न मिल्ने गरी तयार गरिएको पुस्तिका समेत प्रदान गरिएको सारुले जानकारी दिनुभयो ।

विद्यार्थी र शिक्षकलाई प्रविधिमैत्री बनाउन र सिकाई क्रियाकलापलाई निरन्तरता दिन यस्तो क्रियाकपाल गरिएको विद्यालयको भनाई रहेको छ । विद्यालयले प्रिन्सिपल सारुको संयोजकत्वमा प्रन्टलाइन टास्कफोर्स गठन गरी शिक्षक कर्मचारी, विद्यार्थी, अभिभावकको वर्तमान अवस्थाको बुझेर अनलाइन शिक्षणका लागि पाठयोजना बनाएको थियो । विद्यालयले संचालन गरेको अनलाइन कक्षामा विद्यार्थीहरुको उत्साहजनक सहभागिता रहेको छ ।

प्रतिक्रिया दिनुहोस

Your email address will not be published. Required fields are marked *


क्लिक मिडिया नेटवर्क प्रा.लि.पाल्पा,
नेपालद्वारा संचालित
इरानीमहल डटकमको लागि
अनलाइन न्यूज पोर्टल
ranimahalnews@gmail.com
संपादक:अमृत अधिकारी
फाेन नं : ०७५-५२२६०७
मो नं : ९८५७०६००४७
सुचना बिभाग दर्ता नं.७५२/०७४-७५