X

पाल्पामा फ्रन्ट लाइनमा कार्यरत कर्मचारी र सुरक्षा निकायको आरडीटी परीक्षण

रानीमहल संवाददाता || ९ जेष्ठ २०७७,शुक्रबार १८:२२

पाल्पा– जिल्ला कोरोना संकट व्यवस्थापन समितिको निर्णय अनुसार लकडाउन र कोरोना संक्रमणको समयमा फ्रण्ट लाइनमा अग्रभागमा रहेर कार्यरत कर्मचारी, सुरक्षा निकाय र पत्रकारहरुको कोरोना परीक्षण गरिएको छ ।

कोरोना भाइरसको संक्रमणका सम्बन्धमा ज्यानकाे बाजी राखेर अग्रभागमा रहेर कार्यरत रही देश र जनताकाे सेवामा समर्पित जिल्ला प्रशासन कार्यालय, जिल्ला प्रहरी, शसस्त्र प्रहरी, अनुसन्धान र नेपाली सेनाका कर्मचारीहरुलाई आरडिटि परीक्षण गरिएको जिल्ला स्वास्थ्य कार्यालय पाल्पाले जनाएको छ ।

कोरोना संक्रमणको समयमा समेत दिनरात जनताको सेवामा खटिएका सुरक्षा निकायका कर्मचारी र जिल्ला प्रशासनका कर्मचारीहरुलाई आरडिटि परीक्षण गरिएको हो ।

पाल्पाका छिमेकी जिल्लाहरुमा काेराेना संक्रमण देखिएसँगै काेराेना राेकथामका लागि पाल्पा जिल्लामा थप कडाइ समेत गरिएकाे छ । यस अघि पाल्पामा सीमामा खटिएका स्वास्थ्यकर्मी र सुरक्षाका कर्मचारीलाइ पनि परीक्षण गरिएकाे थियाे । यस्तै अन्य स्थानमा रहेर जाेखिममा खटिएका स्वास्थ्यका कर्मचारीकाे समेत काेराेना परीक्षण गरिने समितले जनाएकाे छ ।

प्रतिक्रिया दिनुहोस

क्लिक मिडिया नेटवर्क प्रा.लि.पाल्पा,
नेपालद्वारा संचालित
इरानीमहल डटकमको लागि
अनलाइन न्यूज पोर्टल
ranimahalnews@gmail.com
संपादक:अमृत अधिकारी
फाेन नं : ०७५-५२२६०७
मो नं : ९८५७०६००४७
सुचना बिभाग दर्ता नं.७५२/०७४-७५