पाल्पा – रामपुर नगरपालिका–१, को चेनडाँडामा रहेको एनसेल टावरमा अज्ञात समूहले आगजनी गरेको छ । शनिबार राति अज्ञात समूहले जुटको बोरा, मट्टितेल, मोबिल प्रयोग गरी एनसेलको टावरमा आगजनी गरेको प्रारम्भिक अनुसन्धानमा खुलेको छ ।
आगजनीबाट टावरको बिटिएस क्याविनेटका तारहरु पूर्ण रुपमा जलेर नष्ट भएको छ । आगजनी कसले किन गराएको हो त्यस विषयमा अनुसन्धान भईरहेको जिल्ला प्रहरी कार्यालय पाल्पाले जनाएको छ । यसअघि पनि अज्ञात समूहले उक्त स्थानमा रहेको एनसेलको टावरमा आगजनी गरेको थियो ।
प्रकाशित मिति: आइतबार, भदौ ८, २०७६ १७:३६
प्रतिक्रिया दिनुहोस्
साताको लोकप्रीय